ubuntu-l10n-vec team mailing list archive

[Loris Pederiva <loris.pederiva@xxxxxxxxx>]

Ciao tosi,

Co l'ano novo femo anca el punto dela situazion:
El grupo el vanta ormai 8 iscriti, ma guai a fermarse qua! El lavoro da far
l'è incora tant, quindi l'invito l'è de tirarse su le màneghe e andar avanti
co le traduziòn.
Par tirar dentro altri volontari ghe vol andar avanti co la promozion del
grupo, e el prosimo pas l'è definir na volta par tute el logo. El "Tux
Alpino Imbriago" che ho proposto l'ano scorso l'ha riscosso 4 consensi su 7
iscriti ala mailing list, invite chi che no ha ancora dìta la soa de farlo,
parchè fae ancora in temp a modificarlo. In caso contrario 'ndemo avanti co
la regola del silensio-assenso (che l'è na porcherìa, ma i la usa in tanti).
Quindi, se par la Befana le robe no le cambia, el Tux Alpino el diventarà el
logo uficiale.
Deciso el logo, 'ndaremo avanti co la promozion su facebook.
Se qualcuni l'ha altre idee valide par la promozion, semo qua pa 'scoltarlo!

Ancora auguri a tuti quanti!
Ciao,
Loris