ubuntu-l10n-eo team mailing list archive

["AIS, Informofico" <info@xxxxxxxxxxxxxxxxx>]

Saluton, miaopinie la origina signifo de "hinting" en tiu ĉi kunteksto 
estas sufiĉe precize "konsilado". Tipografo aŭ programisto donas al 
komputila programo konsilojn pri la grafika reprezentado; la programo ne 
nepre devas konsideri la konsilojn, sed kutime ili estas utilaj kaj 
kondukas al pli bona reprezentado. Sed mi konfesas, ke "konsilado" estas 
sufiĉe nepreciza. Vere "alrastrumigo" esprimas pli precize tion, kio 
okazas. Eble ĝenas nur, ke ĝi estas iom longa kaj peza vorto. Ĉu eble 
sufiĉas "enkradigo" (ne "enkadrigo!), aux "signo-enkradigo"?

Certe necesas distingo disde "glatigo" (/anti-aliasing/), kiu estas tute 
alia afero.

Ĉion bonan,
Reinhard

Je 2011-06-12 18:49 universero, trio skribis:
> 2011/6/10 Patrick (Petriko) Oudejans<patrickoudejans@xxxxxxxxx>:
> > Sal,
> Saluton,
>
> > Mi serĉas bonan tradukon por la angla vorto 'hinting'. Laŭ la vikipedia
> > priskribo mi mem iom pensis pri 'alrastrumigo'. Sed mi ne vere kontentas. Ni
> > ekdiskutu.
> >
> > Jen ligilo al la koncerna vikipedia teksto:
> > http://en.wikipedia.org/wiki/Hinting
>     Bedaŭrinde mi ne estas spertulo pri ĉi tiu, sed mi deziras averti
> vin ke iuj deziros distingi inter "hinting" kaj "anti-aliasing". Eĉ
> pli alta nivelo ol mi kapablas.
>
>     Bonŝancon.