lp-l10n-eu team mailing list archive

[assar <asarasua@xxxxxxxxxxxxxx>]

ig., 2010.eko marren 28a 15:07(e)an, Oier Mees(e)k idatzi zuen:
> Kontua ez da hitz berriak asmatzea baizik eta askotan itzuli behar 
> diren hitzen itzulpenak definitzea. Nik adibidez, amarok-en ikusi nuen 
> playlist erreprodukzio zerrenda gisa itzulita zegoela. Arazoa da agian 
> bansheen abesti zerrenda eta rythmbox-en kantu zerrenda gisa itzulita 
> egon daitezkeela. Horregatik beste itzulpen taldeekin terminologia 
> adostu beharko genuke. Gainera, taldekide berriak hiztegi horri esker 
> zalantza asko argitu ditzakete.
> Erabat ados hitz berriak asmatzen ez garela ibili behar.
>
> Orduan, erreprodukzio zerrendaren ordez zein da itzulpen hobea zuen 
> ustez, abesti zerrenda?
> Nik neuk uste dut abesti zerrenda zentzudunagoa dela baina 
> open-tran-en arabera erreprodukzio zerrenda da gehien erabiltzen den 
> itzulpena.

Nik terminologiari dagokionez nahiko argi daukat nola jokatu. Lehenengo, 
UZEIk eta Elhuyarrek informatikaren alorrean argitaratu dituzten 
baliabideak kontsultatzen ditut, nire ustez horiek baitira, gustatu zein 
ez, jarraitu beharreko irizpideak ematen dituztenak. Hauek kontsultatzen 
ditut:
http://www1.euskadi.net/euskalterm/indice_e.htm (Informatika atala)
http://www.elhuyar.org/hizkuntza-zerbitzuak/EU/Hiztegi-kontsulta

Horietako batean agertzen bada, bertan adierazi bezala itzultzen dut. 
Berdin zait gustatzen zaidan ala ez, kitto, nik ez dut erabakiko beste 
modu batera itzultzea "erreprodukzio-zerrenda" gustuko ez dudalako.

Horietan agertzen ez bada, orduan bai, Open-Tran kontsultatzen dut, ea 
jende gehienak nola itzuli duen ikusteko. Horren arabera erabakitzen dut.

"Playlist" kasuan nahiko argi ikusten dut, Euskaltermek (UZEIk) 
"erreprodukzio-zerrenda" dio 
(http://www1.euskadi.net/euskalterm/cgibila7.exe?hizkun1=I&hitz1=play%20list*&gaiak=0&hizkuntza=eu). 
Gainera, hor agertuko ez balitz, Open-Tranen ikusten da gainerako 
gehienek ere horrela jarri dutela.

Azkenik, beste inon agertuko ez balitz, orduan bai, orduan pentsatuko 
nuke hitza esateko modu bat. Adibidez hau:
https://translations.launchpad.net/openshot/trunk/+pots/openshot/eu/497/+translate

Ez nuen inon aurkitu eta nik erabaki nuen nola itzuli, nik baino gehiago 
dakien norbait iritsi eta nola euskaratu behar den esaten didan arte.

Gero beste gauza bat dago hitz horretan, estiloari dagokiona: marratxoa. 
Eusko Jaurlaritzaren estilo-liburuan eta Elhuyarrek bere lanetarako 
erabaki dute marratxoa erabiltzea. Librezalek ere horren aldeko hautua 
egin zuen bere garaian. Orduan, marratxoa jarriko genuke 
"erreprodukzio-zerrenda" bezalako kasu guztietan.

> Azkenik, librezaleren estilo liburua noiz argitaratuko den ideiarik 
> badezue?

Estilo-liburua "work in progress" da, arazoa da "progress" horren 
abiadura zein den. XD

Helbide honetan dago orain arte egindakoa:
http://librezale.org/wiki/Estilo-liburua

Oharra: Gune horretan glosario bat agertzen da, baina azken aldian 
estiloari dagokionez (adibidez, marratxoaren erabilera) hartu ditugun 
erabakien ondorioz, hor agertzen diren zenbait terminok ez daukate 
zentzurik orain. Gainera, ni pertsonalki ez naiz glosarioa egitearen 
aldekoa.

Asier.