lp-l10n-eu team mailing list archive

[assar <asarasua@xxxxxxxxxxxxxx>]

or., 2010.eko uztren 23a 13:43(e)an, Oier Mees(e)k idatzi zuen:
> Eskerrikasko zure laguntzarengatik. Galdera bat, Launchpad-en zuzenean 
> itzultzen badezu honek askotan gomendioak proposatzen ditu (testu kate 
> berdina beste norbaitek nola itzuli duen erakusten du adibidez), ez 
> zaizu iruditzen funtzionalitate honek askotan lana ahurrezten duela? 
> zein da zuretzako lokalean itzultzearen abantaila?
> Ondo segi,
> Oier

Batez ere azkartasuna, baina baita bilaketak egiteko aukera eta 
itzulpen-memoriak erabiltzeko aukera ere.

Azkartasuna: web bidezko itzulpenetan kate batetik beste batera pasatze 
hutsak bizpahiru segundu behar ditzake, denbora asko galtzen dut, eta 
lokalean denboraren laurden batean joan naiteke kate batetik bestera, 
eta kate zehatz batera joateko aukerak askoz hobeak dira. Lokalean lana 
askoz azkarrago burutzen da.

Bilaketak egiteko aukera: Launchpad-en egin daitezke bilaketak, baina 
soilik itzultzen ari zaren PO fitxategian, eta askoz motelagoa da. 
Lokalean itzulpen-memoriak kudeatzeko aplikazioekin bilaketa askoz 
azkarragoa eta potenteagoa da (adierazpen erregularrak erabil daitezke, 
itzulpen-memorietan ere egin daitezke bilaketak, etab).

Itzulpen-memoriak erabiltzeko aukera: zuk aipatu duzun abantailaren 
antzekoa da, beste itzulpen batzuetan erabili diren aukerak ikus 
daitezke, baina kasu honetan ere lokalean lan egitean aukerak askoz 
gehiago dira. Gainera, nik nahi ditudan itzulpen-memoriak erabiltzen 
ditut: nik egin ditudan itzulpenen memoriak (OpenShot, OmegaT, etab.), 
baita Librezalek egin dituen itzulpenenak ere, Mozilla etabar.

Beste abantaila batzuk ere baditu lokalean lan egiteak, esaterako 
ortografia-egiaztatzaileak erabili ahal izatea, itzulpen automatikoa 
zuzenean erabili ahal izatea (aukera hau nik ez dut erabiltzen), etab.

Nik OmegaT[1] erabiltzen dut, baina beste aplikazio batzuk ere erabil 
daitezke, adibidez Virtaal[2].

Asier.

[1]http://librezale.org/wiki/OmegaT
[2]http://librezale.org/wiki/Virtaal